濃湯機 第3『搞 』~ 南瓜湯

南瓜湯

材料：
日本南瓜             2個 (~550g)
水                         2小碗
淡忌廉                 150ml
洋蔥                     1.5 個

做法：
1)  南瓜 & 洋蔥 切 件 & 粒備用。

2)  將洋蔥炒至林身， 令洋蔥發出甜味。

3)  加水用濃湯機 manual cooking mode 將南瓜煮至林身。

4)  倒掉水 剩下差不多2 小碗水，將炒好的洋蔥放入， 轉用manual blend mode 搞南瓜&洋蔥至半溶狀態 (大約半分鐘),   再轉用 fine soup mode 煮。



5)  煮到剩下3分鐘時將cream 倒入， 按一下 manual blend mode 搞均 南瓜湯。 時間倒後可落監掉味。


完成品

後感：

口味超滑， 終於成功了。 南瓜最好用比較靚的南瓜， 會比較有味同南瓜甜味。

濃湯機 第2『搞 』~ 水蜜桃梨果醬

水蜜桃梨果醬

材料：
水蜜桃                   2個
梨                           3個
碎冰糖                   120g
檸檬                       半個

做法：
1)  水蜜桃 切粒備用。 梨切粒備用。將試碟放入雪櫃雪凍。

2)  用濃湯機 ice mode 將2/3 份水果粒搞成果汁。

3)  用濃湯機 fine soup mode 將果汁 及 碎冰糖 煮， 打開上面的小cover,  如有泡， 用匙拿走。期間按 手動搞 mode, 令汁不痴底。
4)  15分鐘後 (過了大搞動的第16分鐘) ， 加入剩下的1/3 水果粒 及 揸半個檸檬汁， 可以加一點檸檬肉。 再煮5-10分鐘。
5)  停了濃湯機， 將4)  倒進煲中， 中小火煮乾水份， 中途要搞 防止痴底。當材料變得杰身， 拿一點放入雪凍的試碟上， 如已有gel 的感覺， 就ok;  如未有繼續煮。
6)  將5)  倒在玻璃瓶中， 蓋上蓋， 倒轉 令瓶中出現真空狀態。 凍後雪起來。

完成品

後感：

因為在fine soup mode 倒數到16 前放了剩下的1/3 果粒， 結果 16分鐘搞溶了。
最後用中小火炒乾比用濃湯寶快。
糖可以因應水果甜味而加減。

因為朋友公司的出品, 我可以做試用員, 拿了之後第一個星期實在太忙, 做不了, 現在先開始, 所以做了我最想做的東西先。

濃湯機 第1『搞』 ~ 合桃糊

因為朋友公司的出品, 我可以做試用員, 拿了之後第一個星期實在太忙, 做不了, 現在先開始, 所以做了我最想做的東西先。

生磨合桃糊

材料：
去衣合桃                200g
冰糖                        100g
水                            1400ml
米                            4 tbsp

做法：
1) 米洗好， 待用。

網上教飛水 可以去了苦澀的味道, 所以都要做呀!

2) 去衣合桃 飛水， 白鑊炒香 (不用落油). 不用炒很久， 有香氣出就ok.

最好用鑊炒

3) 用水， 米 及 合桃 放入濃湯機中， 用 Fine Soup mode.

完成品

後感：
第一次看錯了max ml,  落多左水 (~2000ml),  所以不似糊， 後來減少了 600ml 左右， 再煮一次， 就ok了， 不過不是幻滑個種， 食落是有合桃渣(微粒) . 但方便， 原汁原味有口感。 糖可以再小一些。

伯爵茶面包

因為搬面包機時, 從半腰處跌落地上, 所以面包機的COVER 掉了出來, 為了試試有沒有問題 和之前整的伯爵茶奶凍很好味的關係, 我決定整一個「伯爵茶面包」。

材料：

1. Earl Grey Tea Bag  3個
2. 牛奶 180g
3. 糖 40g
4. 鹽 3g
5. Oil 20g
6. 高筋麵粉 250g
7. 酵母 1teaspoon

Earl Grey Tea Bag + 牛奶 = Earl Grey Milk Tea

今次用的是日清面粉, 日清酵母粉, 3.6 北海道牛奶

我先將牛奶用煲煮到微暖, 不要太熱, 如果太熱就會起了一層好像模的東西。牛奶微暖之後熄火, 將3個伯爵茶包放入奶中焗 15分鐘。

15分鐘後, 拿出茶包, 將剩餘的奶按出來, 就成了香濃的Earl Grey Milk Tea。

Program

之後照材料次序放進去。緊記酵母粉不可以跟水碰到。

用了Mode5 (Sweet Bread mode) , Color is light,  需時2小時55分。因為有牛奶， 沒有用延遲timer 的功能。

麵包出爐了

形狀差了點, 可能用新面粉掌握不好, 亦有可能是因為cover 爛了, cover得不好。

砌開之後都嗅到好香的Earl Grey 味道。

不過味道跟口感都很好 ^_^

2014.07.05 姊妹會

今天約了Sara, Flora 跟 Tiffany 開了簡單姊妹會, 因為之前得柏基啟發, 所以上網找了一些食譜整野食。

食物

一早已經想好整 :

* 鹵水鴨舌
* 鹵水豆腐
* 香辣蟹
* 方魚肉碎蠔仔粥
* 煎蠔餅豆腐鰻魚天婦羅
* 伯爵茶奶凍

前菜 - 鹵水鴨舌 ‧  鹵水豆腐

滷水汁做法

材料:

滷水料包                   1包 (雜貨舖有售) 

老薑　　　　　　     5 , 6 片大片

水 2500毫升

調味材料:

玫瑰露酒或紹興酒     3湯匙

生抽                          1/3樽

老抽                          1/4樽

鹽及砂糖　                適量

做法：

1) 將滷水料包放入布袋中索緊入煲中，老薑拍扁，加水用慢火煲1小時，除去泡沫

2) 加入調味材料再煮滾，即成滷水汁

滷水鴨舌

材料:

滷水汁                  適量

老薑　　　　　　 5 , 6 片大片

急凍鴨舌               1包

做法：

1) 急凍鴨舌解凍, 洗淨準備後用。

2) 將老薑拍扁，加水煲滾, 再放已解凍鴨舌飛水, 然後用凍水洗乾淨。

3) 將滷水汁煲滾, 放已飛水及洗乾淨的鴨舌, 煮大概5-10分鐘讓鴨舌熟了及稍為入味，之後熄火, 待涼了之後連滷水汁放入雪櫃。

4) 放了大概半小時至1小時, 鴨舌已經入味後, 將鴨舌拿走放入另一個盤中備食。

5) 食時, 再用小小滷水汁煮滾, 凍食都可以。

這個是自己的做法, 因為男朋友喜歡食爽口, 如果想琳的話, 就在步驟3時, 煮時間長點, 大概半小時至1小時。

滷水豆腐

材料:

滷水汁                  適量

普寧豆腐               3磚

油                         大量

吸油紙                  適量

做法：

1) 普寧豆腐切片, 不要太細片, SIZE 除你喜歡。

2) 將鑊燒紅, 放油。油滾了之後, 稍為收細一點火, 讓油溫保持溫度。

3) 將已切片的普寧豆腐放入鑊中, 半煎炸, 讓豆腐表面脆口, 放在吸油紙上吸油。 

4) 將滷水汁煲滾, 放入已完成的豆腐, 煮大概5-6分鐘讓豆腐入味，上碟。

煮完豆腐的滷水汁已經不可再要, 網上的人話因為豆類破壞滷水汁的成分。

主菜 - 香辣蟹

材料:
蟹                   2-3隻
油                   大量
姜                   隨量(4 , 5 片大片)
大蒜               隨量(~10 小粒)
大蔥               隨量(小半碗)
花椒               隨量(隨手執一揸份量)
干尖椒           隨量(2 - 3 隻 切開幾段)
紅辣椒           隨量(2 - 3 隻 切碎)
桂皮               隨量(2 - 3 片 切開幾段)
八角               4粒 (切開幾段)
鹽                   適量
雞汁               1大匙
花雕酒           適量
海鮮醬           1大匙
麻辣醬           1大匙

红辣椒粉       1大匙

做法：
1)  將螃蟹肚子朝上，先剥去底部的軟蓋。再翻過来剥開正面的殼蓋, 將腮白及邊上的毛邊除去。切下蟹鉗, 將蟹斬成兩半。
2)  生姜切片，大蒜去皮，大蔥斜切成長片，花椒、干尖椒、紅辣椒、桂皮、八角至于碗中备用。
3)  將鑊燒紅, 放多一點油。油滾了之後, 稍為收細一點火。將生姜、大蒜、大蔥、花椒、干尖椒、紅辣椒、桂皮及八角炒香。
4)  炒到深色後, 香後，大火放螃蟹一齊快炒。
5)  炒5分鐘後, 倒起一部分的油, 留只有小許油，加入鹽、雞汁及花雕酒。
6) 將海鮮醬、麻辣醬、红辣椒粉各1大匙调成酱醬。加入鑊中。
7) 加少量水，炒均，蓋上COVER，焗5-10分鐘。

我鐘意有辣的感覺, 家中紅辣指天椒放多一點, 再最後加一點糖釣出辣味。

主食 - 方魚肉碎蠔仔粥

材料:
蠔仔                     半斤
大地魚乾             1 條(雜貨舖有賣)
豬肉                     適量
冬菜                     隨手執一揸份量(雜貨舖有賣)
唐芹                     1棵(切去根部, 去葉, 只要莖部, 切成小段)
芫茜                     1棵(切去根部, 連葉切成小段)
蒜頭                     2瓣(切成蒜粒)
魚露                     適量
史雲生清雞湯     1盒(細盒)
飯                         人頭份量

處理蠔仔材料:
鷹粟粉/生粉         適量
鹽                          適量

做法:
1) 如果沒有冷飯, 就先煮飯。用冷飯都可以。
2) 大地魚剪去頭部，洗一洗, 剪撕碎備用。豬肉用鹽跟小小生粉稍為醃一下備用。
3) 蠔仔用鷹粟粉+鹽攪勻後用水洗乾淨(重覆3次)，之後將蠔仔拖水, 備用
4) 冬菜洗乾淨, 備用
5) 蒜蓉加少少油爆香, 之後加6-7碗水 及 史雲生清雞湯，水滾後落雞粉、冬菜、唐芹粒、芫茜粒、已醃碎豬肉煮一陣至出味 (留少少唐芹粒、芫茜粒後用)
6) 放入大地魚滾一陣，再加魚露，試味
7) 湯底試味合適後落蠔仔滾至蠔仔完全熟透，可略加胡椒粉
8) 加入飯, 攪勻, 滾後熄火, 上碗, 灑上剩餘芫茜粒、唐芹粒。

我家沒有冷飯, 因平時唔煮飯的, 所以飯是即煮, 但其實可以用冷飯。

試整 - 煎蠔餅

材料:
蠔仔               半斤
鴨蛋               3隻
薯粉               3湯匙
蔥                   適量
芫茜               適量
鹽                   少許
胡椒粉           少許
水                   4湯匙
魚露               少許

處理蠔仔材料:
鷹粟粉/生粉         適量
鹽                          適量

做法:

1) 蠔仔放入大碗中，加入鷹粟粉/生粉和鹽拌勻洗淨，重複此步驟3次至蠔乾淨
2) 燒滾水，加入蠔仔灼一灼(唔需要完全煮熟)，盛起瀝乾水份
3) 蔥，芫茜洗淨切碎備用
4) 薯粉加入水拌勻後再加入鴨蛋，蔥，芫茜，鹽，少許, 胡椒粉，蠔仔拌勻
5) 鑊中加入大量油，放入蠔仔糊以半煎炸方式至兩面金黃即可

這次已經是第2次試, 可能是油都係唔夠多, 半煎炸狀態, 都ok好食, 有時會有一點"煙銀"甘。邊邊比較薄的就脆。

甜品 - 伯爵茶奶凍

材料:
牛奶                 700ml
砂糖                 60g
伯爵茶茶包         5個
魚膠片                 12g
淡忌廉                 200ml

做法:
1) 魚膠片用冰水或凍水浸軟，軟身後搾走水份備用；
2) 牛奶加入砂糖，用中小火煮至微熱，然後熄火並放入茶包加蓋焗 15分鐘，
3) 焗好後用網篩和湯匙輕力按壓出茶包內的牛奶。
4) 將伯爵茶奶混合物過幼網篩放入量杯，襯暖加入魚膠片拌勻至溶解，再倒入淡忌廉拌勻。
5) 網篩洗淨，將液體再用網篩緩緩倒入小杯內(確保沒有茶渣影響口感)，加蓋冷藏數小時至凝固即可。

化妝班後的愉快下午

之後， Flora 找到 LANEIGE 化妝班 好平， 只是$150, 仲可以用番來 redem product,  所以我就舉手話一齊去。

FLORA的半完成狀

我的半完成狀

Flora 話想食一個 light lunch,  因為她要減肥了， 所以我suggest 了2 個地方， 一個係 Pret A Manager,  另一個係Farm Kitchen Vegi。 

Pret A Manager 係 食三文治飲coffee,  而Farm Kitchen Vegi 係食日本野， 主打新鮮蔬菜。 

之前係上日文堂之前， 同 Judy 食過佢係銅鑼灣的姊妹店 - Dining Kitchen Vegi,  超fresh 超好食， 深深的愛上了這個fresh 的感覺， 而Judy 又試過呢度的dinner 放題， 所以我都對呢度有信心， 知到佢有 lunch set,  不用$100 所以我先提議來呢度食。Flora 跟其他會來化妝班的朋友相量完， 覺得係呢度食都好， 所以我們一早就book 左位了。

環境

跟Tiffany 一起

這裡環境好日式, 他的位置係金馬倫道尾段, 不是坐落係好繁華的地鐵口上, 多了一份寧靜。他樓下是另一間日本餐廳, 跟在日本時見到的都好相似。在2樓餐廳外面, 有少許「亭台樓閣」, 好有情調。

食物

我地坐底後， 見個menu , 只有交字, 我都唔係好知佢食咩野。但有一個好特別, 是有4種食物, 所以我ORDER 了這個。

* 和式御膳 X 3 (我, Tracy, Tiffany)
* 日式燒汁牛肉奄列飯 (Cora)
* 北海道三文魚刺身飯拼烏冬 (John)
* 北海道刺身沙律 (Flora)

我地order 左4種，本來Tracy 同 Tiffany 唔係ORDER 呢個的, 不過後來waiter 話已經沒有了, 所以佢地都CHANGE左我CHOOSE的那個。

前菜 - 沙律

好清新好好食, 個SAUCE少少酸酸的, 食起來很開胃。前菜份量都不少, 剛好我們個個上完化妝班都好餓, 真好快用來填肚子。
味道: 8/10

日式燒汁牛肉奄列飯

看上去好像好靚, Cora 跟我們說, 不流好好食 ^_^, 下一次我都要去食先。因為我沒有食到, 所以不作評論。

北海道三文魚刺身飯拼烏冬

這個是John order的, 本來我擔心佢不夠食, 看來都是多餘的, 份量甘多, 應該食唔晒。因為我沒有食到, 所以不作評論。

北海道刺身沙律

因為Flora order的, 佢因為要減肥, 所以食少少野, 只食個沙律, 不過份量都好多, 又有好fresh 的菜, 應該都好好食。因為我沒有食到, 所以不作評論。

和式御膳

最後就到我們order的出場了,  這個也是他們的推介， 入面有刺身, 天婦羅, 鯖魚及日本叉燒, 有麵鼓湯及紅米飯。

排得好整齊, 好漂亮。

*刺身: 好新鮮, 有甜蝦, 吞帶魚跟三文魚, 每樣2片。
*天婦羅: 這個都好新鮮, 不過比起DINING KITCHEN VEGI, 好像還是差了一點。
*刺身: 味道好味, 不過有點硬。
*日本叉燒: 這個是最清, 感覺有點「齋」, 不過東西味道都出奇, 好好食。

這裡的配料SAUCE都有好多, 好專業, 有天婦羅汁, 甜的刺身SAUCE 跟濃味的刺身SAUCE。不過如果他們教埋我們SAUCE是配什麼的, 會更好一點。
味道: 8/10

後記:

環境好, 坐得都好舒服, 下次都會再來。

紅莓鬆餅

一直好想試, 今日終於「的」係心肝去整了。

材料：

鬆餅材料:

高筋麵粉  125g
低筋麵粉  125g
泡打粉      4 teaspoon
蛋               1粒
蛋黃           1粒
牛奶           70ml
硬牛油       60g
糖               4 teaspoon
紅莓乾       50g

作法：

1. 將高筋麵粉，低筋麵粉 同 泡打粉 混在一起 西好。
2. 牛奶 跟 蛋 混好。
3. 將硬牛油 切成小塊小粒。
4. 將砌好的牛油放入 1 中， 快速將1 跟牛油混在一起， 直到見不到牛油。
5. 將紅莓乾 用熱水泡浸10分鐘， 後印乾水分。
6. 將處理好的紅莓乾 跟 糖倒進 4 , 混好。
7. 在 6 中央開一個小洞， 將 2 倒一半進去， 快速揉搓。 不要過分揉搓， 再倒剩餘的 2 入去。 揉搓到均衡就ok,  不要揉搓過度， 如果有筋就麻煩。
8. 將搓好的麵團壓平一點， 用保鮮紙包實， 放雪櫃雪1小時。
9. 取出， 砌一定分量，厚2.5cm左右， 在上面塗上蛋黃。 放入麵包機， 用 menu 12 (bake),  需時 1 小時 color 用light 。要15 - 20 分鐘 反一反。

呢度只係一半, 可以砌成4-6 舊

完成品:

後記:

因為家沒有焗爐, 原本可以用光波爐, 不過我懶, 唔想拿出來, 所以用了麵包機。 用麵包機的話, 要要不是反反佢, 其實有點麻煩。

根據食譜, 如果用焗爐, 要用180度預熱10分鐘, 再用180度焗15分鐘 (厚2.5cm)

試做丹麥麵包

一直好想試整呢個麵包， 但唔知咩叫「摺疊用奶油」， 後來看到一本書，。教點自製摺疊用奶油， 所以決定試做一次。

材料：

摺疊用奶油材料：
1. 奶油 ~100g

麵包材料：
1. 水 120g
2. 油 7g
3. 鹽 2g
4. 糖 16g
5. 蛋 10g
6. 高筋麵粉 200g
7. 酵母粉 2g

作法：

1. 先將奶油舖平成大約10 x 10 cm 厚0.5cm , 將鋪平的奶油， 放入冰箱雪硬。

我用的是雪印有鹽牛油

我只用保鮮紙做型

2. 將麵包材料依次序放入麵包機。
3. 選擇menu 8 (dough) , 需時1小時30分 , 開動機。
4. 當麵團已經整好時， 將麵團取出， 用棒 碌成 大約18 x 18 cm。

5. 將摺疊用的奶油拿出， 以零形放在麵團上， 將麵團4角摺疊包藏奶油。

6. 將麵團碌平， 再接三折。 放在冰箱雪10分鐘， 取出。 再轉90 度 碌平， 再接三折， 再放 冰箱雪10分鐘， 取出。 重覆步驟6 2次。
7. 將麵包碌平成長方形， 捲起成圓柱狀， 用刀砌成2條但個尾連住。
8. 將2條麵條扭成一條，再放回麵包機。
9. 用menu 12 (bake) , 需時1小時。

製成品:

比我食左少少, 味係OK, 不過太多牛油了。

看到有一層層

面包面, 冇塗蛋黃, 所以白了點

後記：

用 menu 8 dough 整出來的 的麵團 應該已經發酵了一次， 但由於太粘， 就算雪凍了， 都好難碌平。 所以要預備一些麵粉會好d。

摺疊用的奶油可以再減少一半，因為實在太油了。

麵團一定要包夾奶油， 否則一用棒碌， d 奶油就 bee 晒出來。