抹茶牛奶麵包

多謝Judy send 食譜比我， 昨天做了個抹茶牛奶麵包， 由於說明書話牛奶不可以用延長時間function,  因為容易變壞， 所以昨晚已經整起個麵包。

及後又發覺原來昨天早上媽咪幫我洗完之後， 裝錯了個扁葉， 反轉左放入去， 可能因為甘， 昨晚上去佢好像搞唔到2個角落的粉甘。 Anyway,  都係ok 的。

材料：

1. 抹茶 5g
2. 牛奶 180g
3. 糖 45g
4. 鹽 3g
5. Olive Oil 38g
6. 高筋麵粉 250g
7. 酵母 1teaspoon

抹茶 + 牛奶

我先將 5g 的抹茶 同180g 牛奶混好， 再加其實的材料。

Program

搞的過程中，顏色已經好美了

用了Mode5 (Sweet Bread mode) , Color is light,  需時2小時55分。因為有牛奶， 沒有用延遲timer 的功能。

麵包出爐了

顏色已經好美了

砌開之後都嗅到好香的抹茶味道。

當然COLOR都好靚。

Lunch with Bread

I use this to make the sandwiches to my colleague Shuting and Marlon for lunch, we make the most biggest sandwich to Marlon, because he said: " I am a "MAN", I can eat the whole bread...."

Bread and Tuna with Roasted Sesame Sauce

the sandwich is bigger than his face.

Marlon

紅茶核桃麵包

上日文堂前跟Judy 講起麵包， 她說她買左本書教整面包， 整了個皇家奶茶麵包， 好好食。 本來我已叫左她影個食譜比我， 但因為電話沒電，所以我就自己調配。

我知到那個是要茶包沖左奶茶先， 由於我沒有牛奶， 所以沖了紅茶來代替。

材料:

1. 紅茶160ml
2. Olive Oil 20ml
3. 糖 16ml
4. 鹽 1 teaspoon (因為3.5ml 好難榜, 所以用番teaspoon)
5. 高筋麵粉 250ml
5. 核桃果仁 約10g
6. 紅茶茶葉碎 1茶包
7. 酵母 1 teaspoon
8. 奶粉 8ml

紅茶：

我只用了紅茶包沖了一杯濃濃的紅茶。奶粉是最尾加上去

核桃果仁:

視乎你喜歡，可以加多或減少。 最好先炒香，因為今次想有raw d 味道， 所以沒有炒。將果仁整碎。

在落麵粉的同時， 都一邊落核桃， 是想平均D, 雖然唔知有冇用。

Program:

之後跟住上面的次序，放入麵包機，用Mode 1 (Basic Bread Mode),  Color is light,  需時3小時， 就完成。

麵包&麵包刀

麵包出爐了， 用今天買的麵包刀， 跟住Judy 教路， 將麵包麵包底向外， 麵包面向自己， 在麵包底個邊落刀先， 真係好砌好多。

我的麵包刀

Made in Japan ^^"

真的可以砌得好靚仔。不過我今天都係厚厚厚砌.....

核桃粒因為沒有炒過，所以不太香，不過都OK。

核桃粒在裡面，分佈OK

小平津で食べる

今天突然好想食日本野， 在openrice search下， 見呢間有10個評語都係好， 價錢稍為貴了一點， 不過由於Judy 食好少野就飽， 加上上日文堂前最好食少D, 所以問了Judy , confirm 佢Ok 後， 就決定呢間。

環境

在登龍街的永光大廈6樓， 地點好方便。
我地沒有訂位， 6點半左右上到去， 當時仲未有客人。 呢度係6樓成層， 地方好大。 Waiter 問我地有冇book 位， 知到我地冇book 位後， 就帶我去最入面的2人枱。 我們心想， 難道好多人已經book 左位???

食物

我地坐底後， 見個menu 樣樣都$6x,  Judy 話， 都唔平。 我地事先已經係openrice,  看了人推介， 所以好快就落order 了。

* 南瓜沙律
* 煙肉荔枝卷
* 甜蛋 (刺身類) 
* 豆腐鰻魚天婦羅
* 魚湯鍋 + 烏冬

我地order 左5樣東西， 但後來想想下會不會太多。

前菜 - 青瓜

這個前菜辣辣地，好野味。 有一粒粒肉粒，好有口感，是一個幾好的開胃菜。

味道: 7/10

甜蛋

先來了個甜蛋， 厚厚的6大件， 跟出面的甜蛋壽司 味道差不多， 不過不同的是， 佢好有質感， 看到佢係一卷卷似的。 Judy 話她老公 James 都識整。 我好期待佢整 ^_^

味道: 7/10

南瓜沙律

我非常喜歡食南瓜， 尤其是日本的蒸南瓜， 雖然呢個有點不同，但都好有興趣試。
來到時，我們立即比佢個外型吸引左， 黃黃的，高高的， 好像一座小黃山。 令我想起大坑個間冰室的「巨塔肉餅」。食落去小小甜， 南瓜泥中仲有d南瓜粒， 食落好有口感。 別看小小的一座小黃山， 因為佢好似左好多電粉質入去， 超飽肚。我開始後悔了5樣野， 我確定我地食唔晒， 因為我已經有點飽。

味道: 8/10

煙肉荔枝卷

呢個係佢個Menu 係冇廚師推介， 不過網上都有推介， 所以我同Judy都想試。 一碟有4 粒。 不太多， 2人食， 份量剛剛好。 

食下去， 真的好好食， 煙肉因為油份多， 雖然好食， 但感覺會好肥膩， 但呢個卻被荔枝清甜的味道中和了。 荔枝的清甜味除了中和煙肉的肥膩感， 更帶出了煙肉獨特的肉味， 令到成個味道感覺好完整 ^_^ 。好好食， 不過每人2粒好夠了， 少食多滋味。

味道: 8/10

豆腐鰻魚天婦羅

到這個廚師推介， 其他人都推介 必食之選的 豆腐鰻魚天婦羅 出場了， 樣子好肥美 ^_^，天婦羅都不會炸得太厚， 配合白雪雪滑溜溜的豆腐， 加上中間肥美juicy 的鰻魚肉， 感覺就好像叫人 「來食我吧」。

來食我吧 ^_^

食落好好食， 中間鰻魚是有燒過， 外脆內嫩， 咬下去相當juicy, 但油油的感覺又被豆腐吸收了。 不過佢太大舊， 如果可以一口一件， 就會更好。

味道: 7.5/10

魚湯鍋 + 烏冬

這個感覺就比較遜色， 魚湯魚味不夠濃， 烏冬亦煮得太林， 一夾就斷。由於真的太飽， 所以其他配菜都沒試。

味道: 5.5/10

結果我地都係食剩晒係度...................

埋單時，WAITER跟我們說仲有雪糕送，但真的「對不起」，我們真的食唔落了。 TOTAL $279 ，每人$140，都唔係想像甘貴，因為我之前估要每人口2XX, 算係OK抵。如果我們叫少一個菜，每人都係$100左右。

下次再去時, 真的不可以叫太多的東西, 否則就會越食越肥了 ^_^。

南瓜麵包

今天跟同事Shuting 說起用麵包機整麵包，真的好好食，下次會整來帶比她試下。 她跟我說，德國人是好喜歡食Potato Bread,  因為比較「糯」一點， 我估意思是粘一點，煙刃一點。 之後我就想起南瓜包， 上網就search 下「南瓜麵包」的食譜， 見到有人跟我用麵包機來整， 所以就參考了佢的份量。

我的南瓜麵包材料：

1.南瓜泥連水 185ml (半個橙色小南瓜 + 1 teaspoon 糖)
2.Olive Oil 22ml
3.糖 16ml
4.鹽 ¾ teaspoon
5.高筋麵粉 280ml
6.酵母 1¼ teaspoon
7.奶粉 10ml

Olive Oil:
可用植物類的油來代替， 本來是20ml,  但錯手倒多2ml

奶粉：
因人而異， 本來是4-8ml,  不過錯手倒多左。

南瓜泥連水的製法：
我用的是橙色皮的小南瓜， 雖然香但唔甜。

我先用砌開一半，蒸熟， 之後將南瓜肉用湯匙「顏」成泥， 將蒸好南瓜時在碗內的水 同 南瓜汁 跟 南瓜泥 混在一起。因為這個南瓜沒有甜味，所以我加了1 teaspoon 糖入南瓜泥搞混。

之後跟住上面的次序， 遂一放入，因為酵母唔可以碰水， 所以放酵母前，在麵包上抓一個小洞，將酵母放進去。

用Mode 5 (Sweet Bread Mode) , Color is light,  需時2小時55分完成， 但我調了timer,  早上6:20 完成。

早上6點半左右，麵包就出爐了，好像好靚的COLOR。

翻轉倒出來是這樣。

翻番轉靚仔D。

但好軟，所以有D難切。

後記:

這個是甜包，雖然嗅到南瓜味，但因為個小南瓜唔甜，所以有一點遜色。 我都係鐘意蕃茄香草包多D，或者買到又甜又香的南瓜時，整「百里香南瓜包」，好像以前我整去BBQ的南瓜一樣好食的吧 ^_^