生日禮物 x 2 - 第一次整面包

上年年尾時，我見蘋果  同 Flora 都申請compress visa ,簽帳滿$3000,就可以去換design factory 的面包機。 佢地換時，其實我都好想申請同換個面包機，但因為我之前用信用卡用得不好，所以而家怕怕用信用卡，所以才沒有申請。

之後見蘋果好努力地差唔多日日用面包機整面包，仲有好多款式，都係心想如果有m部可以用來整面包比媽咪食就好，因為媽咪其實好鐘意食面包，日日的早餐都係面包，反而我就冇食面包好耐。

後來今年年初，情人節去蘋果家玩時，佢做了蕃茄羅勒面包，真的超好食，好想比媽咪試下，所以決心去買了面包機。 聽Flora說， 面包機可以係compress visa 買，到，所以後來我請爸B 幫我買， 用了$480 買，因為就到我生日，爸B 就將佢當生日禮物送我 ^_^。

今天，終於去買材料整啦^•^

回家後立即準備， 開箱先^^, 雖然佢唔係第一次開箱，因為之前開箱試機的是爸B。

爸B 為了我有開箱的感覺，特地用膠紙癡番住^_^

開左之後係甘樣的:

另外多謝蘋果送給我的生日禮物，讓我可以輕鬆量份量。

我照住蘋果的食譜，是基本麵包的食譜，開始試整。真的好簡單，只是將材料量好，就ok。

材料:

1. 水 160 ml
2. 油 20g
3. 鹽 3g (改了小小, 因為錯手的關係, 原本是1g)
4. 糖 15g
5. 高筋麵粉 250g
6. 即用乾酵母 6g (改了小小, 因為錯手的關係, 原本是3.5g)

7. 奶粉 8g

蘋果介紹我去灣仔地鐵站附近的一間樓上店，是專賣整麵包蛋糕的東西，我就是在那裡買材料。

本來在蘋果的食譜是用olive oil， 不過媽媽話芥花籽油仲健康，所以我用了芥花籽油。

之後真的太簡單了，只是將麵包機入面的內箱拿出來，直接放上磅上面，之後順次序放上面的材料入去就可以了。

 之後我就set了個program，用basic bread的mode - Mode 1，時間是需要用3小時，不過因為我要整到明天起身時就有麵包食，所以set了 12小時。color是light。

~ ~之後就去睡覺了。

到了第2天早上九點，我已經見到個包已經發酵的好好，在預定時間的最後１５分鐘，已嗅到好香了　^.^

等時間到了之後，終於出爐了 ~~~~~

影完相後，我立即將佢拿出來，風乾一下。 

就可以切了。 ^_______^

本身麵包已經好好食， 加果醬味道更好，媽媽都好喜歡。 

太好了。 ^_^

下次會試下其實麵包。