本來因為今日考日文試，所以之前冇約人，諗住考完後去長沙灣拿團購物品，但點知考完個試之後已經散晒，真的好累，又想食dinner, 所以就約了住附近的蘋果小姐(簡稱: 蘋果)出來食野。
本來打算去食阿拉丁加哩屋 或者 傷心酸辣粉， 但蘋果前幾日先食完呢2間，所以我地決定試新野 - 希慎廣場的 「南小館」 (Openrice 按此)，是一間食上海菜的飯店。
環境
我地去到門口拿ticket 等叫位時， 仲要等多10張2人枱， 甘我去就周圍影下d相，佢係有放d食材係出門，應該係用來裝飾。 感覺好有格調，好似台灣 或 日本的餐廳。
在外面看入去都好闊，入面近窗有比較大的4人BAR TABLE，可以望到出面的景色。
門外左邊係FOR人攞位等位叫NUMBER的位置, 而右手邊則放了幾個相, 放了一些食材, 介紹會用呢D食材做咩的DISHES, 例如: 南瓜 - 糖水南瓜的材料
入面就有用大黑板寫上菜色，更有舊式單車做擺設，感覺出好農村田園FEEL，令人好RELAX，我立即想，係度HIGH TEA都好正。
我們入到時，因為要求坐BAR TABLE，又唔搭枱，所以都等了好幾個字，我想有15至20分鐘左右。之後我們如願被安排去BAR TABLE，但帶位小姐都同我地講，如果之後都會有機會有人來搭枱，我都想都沒有可能，所以都坐左上去。當然最後真的沒有。
初時，覺得係希慎plaza 樓上餐廳食可能會好貴，但係坐底看餐牌，樣樣$40 $50 $60左右的價，又覺得ok:
前菜小點都是$3X - $6X;
主菜都是$4X - $6X;
甜品只是$ 2X - $5X;
甘岩入來個時見到D DISHES好精緻，樣樣份量小，不過因為已經過了肚餓的時間，而且我們2個人，如果佢份量小仲好，可以試多D野。所以我們就都冇理。
食物
我們好快就落了ORDER, 叫了:
．南小館四小拼
．鮮肉小籠包
．招牌生煎包
．排骨擔擔麵
．南小館甜甜拼
看上去係其他鋪冇可能是2個人食的份量，呢度都可以一次過試晒。
南小館四小拼
上來的樣子其實擺得唔太好看，好像細看之下都OK^^。
我地今次叫左四小拼有的:
。口水雞
。糖醋排骨
。四喜烤夫
。馬蘭頭豆腐
等我逐樣介紹下先。
口水雞
味道都好好, 不過好像不夠辣。蘋果小姐注意到佢比左雞翼位置我們，原本都係好，不過因為肉好少不太入味。
糖醋排骨
排骨好林，味道適中，不過不失
四喜烤夫
味道好好，不過我覺得好像差了一點點東西, 味道不及以前的南翔饅頭店。
馬蘭頭豆腐
這個整得好靚, 滿足了我們的視覺享受。之前我已經看了些食評，大碟的馬蘭頭豆腐外形係個「心」，點知細的都是個「心」形，感覺超好。味道清清地，剛好跟另外個3樣調和了。
鮮肉小籠包
之前看MENU時已經覺得個小籠包超抵 $38/5粒，仲要係係希慎廣場內。之後又看到鮮肉小籠包 同無錫小籠包，因為唔知咩分別，D侍應哥哥姐姐都好唔得閒理我地，所以就試左呢個鮮肉小籠包。
一入到，雖然賣相沒有那麼特別，但一咬下去先知道「乾坤在其中」。一咬下去D湯汁湧晒出來，好像來到時我地掛住影相，放了一會先，湯汁不是滾熱的，唔係我們的舌頭就慘了。 肉汁超級鮮甜，又多汁，味道好好。但蘋果小姐見到入面有肥豬肉，而我食落又冇個種感覺，細細粒，一啖一粒，剛剛好。
招牌生煎包
上來的樣子好美 ^_^，不過都有點嚇到了，因為都好大個，我心想食完2個之後其他東西是不是不用食其他野。果然跟我想的一樣，食完真的好飽。
這個招牌生煎包跟鮮肉小籠包一樣，肉汁超級鮮甜，又多汁，味道好好。一樣都是一咬下去D湯汁湧晒出來。皮薄餡多湯汁多，難怪成為「招牌」。但個底就有點兒「濃」左。
不過都唔緊要，佢冇「濃」左個個味。而且個底好脆，真的係好好食。
排骨擔擔麵
擔擔麵，我以前食過一間真的超好味，就是在TIME SQUARE 食通天上面的「梁山泊」，不過已經幾年前折埋左，但之後都冇一間個味係我覺得好食過個間。今次我地又試呢個擔擔麵，看上去都好吸引。
個麵同湯都好食，不過我覺得麻醬味可以多番D，可以更辣一點。麵就都好好食，好煙刃。
不過最出色都係個排骨，炸粉不多，肉汁鎖晒係個排骨入面，一咬下去拿出來看，可以見到D汁係肉中間滲出來，我覺得真的好好食。 蘋果跟我說佢食過一間都係灣仔的豬扒飯超好食，這個豬扒根本比不上，仲話成個DINNER，佢反而覺得呢個豬扒係好食排名只係尾2。講到甘, 真的好想試下個間的豬扒。
南小館甜甜拼
甜甜拼 跟四小拼一樣，都係好貼身的CHOICE，可以一次過試不同的甜品，最岩我地只有2個人時又想試多D野的時間去食。
今次我們CHOOSE了:
。杏仁白玉凍
。茉莉花茶凍
。椰香紅棗糕
。細沙南瓜團
杏仁白玉凍
蘋果點了這個，我就試左一啖，好香杏仁味，奶味OK，我們都唔係好鐘意重奶味，所以這個剛剛好。不成個盤來到時我地都嚇一驚，因為SUPPOSE呢個凍凍出面係一D好細磗，點知佢係有超級市場入面賣的細磗花生醬甘大磗。份量十足。
茉莉花茶凍
我就點了這個的，我愛花香茶味的東西。這個一啖下去好重茉莉花香味，超清新。茶味則是用了日本抹茶，有濃郁的茶香味，真的愛不釋手。我就好興幸有這個份量，可以食多一點。
椰香紅棗糕
一夾下去已知佢係超煙刃，果然冇錯，咬下去好有口感，淡淡的椰香襯托出紅棗獨有的味道，甜味剛剛好，真的好好食。我好鐘意 ^.^
細沙南瓜團
由於我真的好飽，不過見住佢黃旗地橙橙地圓祿祿 甘可愛既樣，都要試下佢，這個就唔有紅棗糕甘煙刃，不過都好好食，入面的紅豆餡唔會太甜，一流。
我覺得這個甜甜拼2人分享就最好了。
後記
食完之後，我地坐左好耐，都冇人吹我地埋單。這裡真的是一個好寫意好舒服 傾計食野的好地方。 我們叫了5樣野但卻試到11樣的東西，真的太開心了。埋單仲要唔洗$300，但我地已經FULL到頂胃了。下次一定要再試其他野。
Openrice Comment :
蘋果的 : http://www.openrice.com/restaurant/commentdetail.htm?commentid=2287292
原來好耐之前 subscribe 左你個 Blog @@
回覆刪除